Хэвлийн доод хэсэг яагаад унждаг вэ?

Хэвлийн доод хэсэг унжих нь зөвхөн “таргалалт”-аас шалтгаалдаггүй. Эмэгтэй хүний нас, жирэмслэлт, дааврын өөрчлөлт, булчингийн сулрал, арьс болон холбогч эдийн уян хатан чанар, биеийн байрлал зэрэг олон хүчин зүйл аажмаар нөлөөлдөг.

Нас ахих тусам яагаад хэвлийн доод хэсэг унждаг вэ?

30 наснаас хойш эмэгтэй хүний биед дараах өөрчлөлтүүд аажмаар явагдаж эхэлдэг.

Коллаген, эластин багасна

Нас ахихын хэрээр арьсны уян хатан чанарыг хадгалдаг коллаген, эластины хэмжээ буурдаг. Үүний улмаас арьс суларч, өмнөх шигээ хурдан агшиж чадахгүй болдог.

Булчингийн масс буурна

Тогтмол дасгал хөдөлгөөн хийдэггүй тохиолдолд нас ахих тусам булчингийн масс багасаж болно. Хэвлийн булчин суларснаар хэвлийн хана өмнөх шигээ чанга харагдахгүй болж, доод гэдэс товойх эсвэл унжсан мэт харагддаг.

Дааврын өөрчлөлт нөлөөлнө

Ялангуяа цэвэршилтийн өмнөх болон цэвэршилтийн үеэр эстроген дааврын түвшин өөрчлөгдсөнөөр өөх тос хэвлийн хэсэгт илүү хуримтлагдах хандлага нэмэгдэж болно.

Холбогч эд суларна

Арьс, булчин болон бусад эдийг хооронд нь дэмжиж байдаг холбогч эдийн уян хатан чанар буурснаар хэвлийн ханын дэмжлэг багасна.

Жирэмслэлт хэвлийн хэсэгт хэрхэн нөлөөлдөг вэ?

Жирэмсний үед хэвлийн хэсэгт их хэмжээний суналт, даралт үүсдэг.

Энэ хугацаанд:

• Хэвлийн булчин сунадаг.
• Холбогч эд зөөлөрч, сулардаг.
• Зарим эмэгтэйд хэвлийн шулуун булчингийн салалт буюу диастаз үүсдэг.
• Аарцгийн ёроолын булчинд нэмэлт ачаалал ирдэг.
• Умай томорсноор хэвлийн хана болон бүсэлхийд даралт нэмэгддэг.

Төрсний дараа булчин, арьс, холбогч эд бүрэн сэргээгүй тохиолдолд:

• Доод гэдэс байнга товойсон мэт харагдаж болно.
• Арьс суларч, унжиж болно.
• Бүсэлхийн хэлбэр өмнөхөөсөө өөрчлөгдөж болно.
• Нуруу болон аарцгийн хэсэгт тавгүй мэдрэмж үүсэж болно.

Дотор эрхтэн үнэхээр “унждаг” уу?

Зарим тохиолдолд аарцгийн эрхтний доошилт буюу prolapse үүсэж болно. Энэ нь аарцгийн ёроолын булчин болон холбогч эд суларснаар умай, давсаг эсвэл шулуун гэдэс доош шилжихийг хэлдэг.

Гэхдээ хүмүүсийн ярьдаг “гэдэс бүхэлдээ унжсан” гэсэн ойлголт нь ихэвчлэн дараах шалтгаантай байдаг:

• Хэвлийн ханын булчин сулрах
• Хэвлийн хэсэгт өөх тос хуримтлагдах
• Арьс болон холбогч эд сунах
• Биеийн байрлал алдагдах
• Диастаз үүсэх

Доош дарах мэдрэмж, шээс задгайрах, үтрээнд овойлт мэдрэгдэх, аарцаг орчимд хүнд оргих зэрэг шинж илэрвэл эмэгтэйчүүдийн эмч эсвэл аарцгийн ёроолын нөхөн сэргээх мэргэжилтэнд хандаарай.

Хэвлийн доод хэсгийн унжилтаас хэрхэн сэргийлэх вэ?

1. Хэвлийн гүн булчинг ажиллуулах

Зөвхөн гаднах “six pack” булчингаа биш, хэвлийн хэсгийг дотроос нь тогтворжуулдаг гүн булчинг ажиллуулах нь чухал.

Тохиромжтой дасгалууд:

• Dead Bug
• Bird Dog
• Heel Slide
• Plank
• Диафрагмын амьсгал

Эдгээр дасгал нь хэвлийн гүн хэсгийн transversus abdominis булчинг ажиллуулж, нуруу, аарцаг болон хэвлийн хэсгийн тогтвортой байдлыг дэмждэг.

Төрсний дараах диастазтай эсвэл нуруу, аарцгийн өвдөлттэй бол дасгалыг мэргэжлийн заавраар хийх нь зөв.

2. Аарцгийн ёроолын булчинг бэхжүүлэх

Аарцгийн ёроолын булчин нь давсаг, умай, шулуун гэдэс зэрэг эрхтнийг дэмжихэд чухал үүрэгтэй.

Тустай дасгалууд:

• Кегелийн дасгал
• Амьсгалтай хослуулсан аарцгийн дасгал
• Хэвлийн гүн булчинтай уялдуулсан дасгал

Кегелийн дасгалыг хэт их эсвэл буруу хийх нь зарим хүнд тохиромжгүй байж болох тул шинж тэмдэгтэй бол мэргэжилтнээс зөвлөгөө аваарай.

3. Жингээ тогтвортой барих

Олон дахин огцом таргалж, турах нь арьс болон холбогч эдэд нэмэлт ачаалал өгч, хэвлийн хэсгийн сулралыг нэмэгдүүлж болзошгүй.

Эрүүл, тогтвортой жин хадгалах нь хэвлийн хэсгийн арьс, булчин болон үе мөчид илүү эерэг нөлөөтэй.

4. Хангалттай уураг хэрэглэх

Уураг нь булчингийн нөхөн сэргэлт, булчингийн массыг хадгалахад чухал.

Өдөр тутмын уургийн хэрэгцээ нь нас, жин, хөдөлгөөний түвшин, эрүүл мэндийн байдлаас хамаардаг. Өндөг, мах, загас, сүүн бүтээгдэхүүн, буурцаг, шош зэрэг уургийн эх үүсвэрийг хоолондоо тогтмол оруулаарай.

5. Биеийн зөв байрлалыг хадгалах

Бөгтийж суух, аарцгаа урагш түлхэх, нурууны хотойлтыг ихэсгэх нь хэвлийг илүү товойж харагдуулдаг.

Суух болон зогсохдоо:

• Толгойгоо урагш унжуулахгүй байх
• Мөрөө хэт хүчлэн татахгүйгээр тэгш байлгах
• Хавирга болон аарцгаа нэг шугамд байрлуулах
• Хэвлийн булчингаа хэт чангалалгүйгээр зөөлөн идэвхжүүлэх

дадлыг хэвшүүлээрэй. Шаардлагатай бол корсет өмсөж хэвшвэл илүү үр дүнтэй. Энд дарж хамгийн тохиромжтой корсетуудыг үзээрэй

6. Хүнд зүйл өргөхдөө зөв техник ашиглах

Амьсгалаа түгжин хүчлэх нь хэвлийн хөндий болон аарцгийн ёроолд өндөр даралт үүсгэдэг.

Хүнд зүйл өргөхдөө:

• Өвдгөө нугалах
• Нуруугаа хэт бөгтийлгөхгүй байх
• Ачааг биедээ ойр барих
• Хүч гаргах үед амьсгалаа гаргах
• Хэвлийн болон аарцгийн булчинг зөөлөн идэвхжүүлэх

нь илүү аюулгүй.

7. Bodyshaper, корсеты зөв хэрэглэх

Өдөр тутам удаан зогсох, төрсний дараах recovery үед, биеийн зөв байрлалыг хадгалахад чанартай, зөв хэмжээтэй bodyshaper, корсет хэрэглэснээр:

хэвлийн хананд зөөлөн дэмжлэг үзүүлэх,
нурууг цэх, мөр тэгшлэх
нурууны доод хэсэгт ирэх ачааллыг бууруулах,
өдөр тутмын тав тухыг нэмэгдүүлэх
Төрсний дараах хэвлийн голд үүссэн булчинг нийлүүлэх
Хэвлийн доод хэсэг унжилтаас сэргийлэх
зэрэг давуу талтай.

Өөрт тохисон shaper, корсетоо хэрэглээд давхар дасгал хийж булчин масс аа дэмжээд өгөх нь хамгийн үр дүнтэй шүү

Bodyshaper үзэх бол энд дарна уу.

Корсет үзэх бол энд дарна уу.

Хэрвээ өөрт тохирсон загвараа сонгоход туслах зөвлөгөө хэрэгтэй бол энд дарна уу.